BOLETÍN DA MESA DAS VERBAS Nº 14

Na ponla unha passarinha

aínda di o seu doce cantar,

segue o monxe a pasar;

súa sombra egrexia camiña,

percorre toda a campiña

deste Salnés, preto do mar.

Párome ledo a escoitar

os belos sons desta terriña.

O mosteiro da Armenteira

debido ao paxaro e ao monxiño

ten fama pola Terra enteira.

Non quero deixar o camiño

nin deixar de estar á beira

do lugar sacro do seu niño.

XERMÁN MANUEL TORRES

Esta vida é gran tristura

se non hai unha bela flor

que a encha de fermosura,

que nos agasalle súa cor.

Realizando unha idea e unha proposta do noso amigo e compañeiro Xosé Ramón Quintáns Suárez, a Mesa das Verbas celebrou unha edición especial SAN ERO na Armenteira, no Concello de Meis, o sábado, 1 de decembro de 2018, de 12:30 h. a 19:00 h.

Visita guiada do Mosteiro por parte do noso amigo e compañeiro Augusto Guedes. Tivemos un recital poético no Claustro, unha alegre e poética comida de confraternidade no bar A Fonte e rematamos ás 18:00 h. cun recital poético na Casa da Cultura da Armenteira coa colaboración do Concello de Meis.